Qanlı Yanvar faciəsinin 23-cü ildönümü ilə əlaqədar Bişkekdə bir sıra tədbirlər keçiriləcəkdir
Bişkek, 14 yanvar (AZƏRTAC). Qanlı Yanvar faciəsinin 23-cü ildönümü ilə əlaqədar Bişkekdə qırğız, Azərbaycan, türk və ingilis dillərində çap edilən “Türkel” qəzetində geniş material dərc olunacaqdır. Bundan əlavə, qəzetdə Qanlı Yanvar hadisələrinin şəhidi şair Ülvi Bünyadzadə haqqında məqalə veriləcəkdir.
Paytaxtdakı “Manas” radiosunun “Dostluq körpüsü” proqramında da isə 20 Yanvar faciəsi ilə əlaqədar kompozisiya təqdim ediləcəkdir. Bişkekdəki Atatürk Alatoo Universitetinin müəllimi, filologiya elmləri namizədi Ramiz Məşədihəsənli bu ali təhsil ocağının beşinci kurs tələbələrinə Qanlı Yanvar faciəsinin yaranma səbəbləri, onun nəticələri haqqında ətraflı məlumat verəcəkdir. Sonda universitetin kitabxanasında 20 Yanvar faciəsini əks etdirən film göstəriləcəkdir.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
