Qanlı Yanvar faciəsinin ildönümü bu il Gəncədə yenidən qurulan Şəhidlər xiyabanında qeyd ediləcəkdir
Gəncə, 13 yanvar (AZƏRTAC). Gəncədəki Şəhidlər xiyabanında aparılan təmir və yenidənqurma işləri yaxın günlərdə başa çatacaqdır. Keçən ildən başlanan yenidənqurma işləri zamanı 366 şəhid məzarı qara mərmərlə yenidən qurulmuş, ara yolları boyu yaşıllıq zolaqları salınmış, xiyabanın baş hissəsində isə hündürlüyü 25 metr, diametri 10 metr olan yeni “Əbədi məşəl” abidəsi ucaldılmışdır. Bundan əlavə, xiyabanda yeni giriş qapısı da inşa edilmiş, buradan “Əbədi məşəl”dək olan yola asfalt salınmışdır.
Gəncə Şəhər İcra Hakimiyyətindən AZƏRTAC-a verilən məlumata görə, gəncəlilər Qanlı Yanvar faciəsinin ildönümünə dair mərasimi burada keçirəcəklər.
Bölmənin digər xəbərləri
