Qanunsuz uduşlu oyunlar keçirilən obyekt aşkar olunmuşdur
Bakı 21 iyun (AZƏRTAC). Vergilər Nazirliyi yanında Vergi Auditi Departamentinin keçirdiyi operativ vergi nəzarəti tədbirləri zamanı Səbail rayonu, R.Behbudov küçəsi 8, mənzil 12 ünvanında yerləşən, fərdi sahibkar Quliyev İsrafil Əjdər oğluna məxsus ictimai iaşə obyektində qanunsuz olaraq kompyuter vasitəsilə uduşlu oyunların təşkil olunduğu aşkar edilmişdir.
Vergilər Nazirliyindən AZƏRTAC-a verilən məlumata görə, vergi əməkdaşları tərəfindən həmin obyektdən ümumilikdə 9 ədəd kompyuter dəsti, möhürlər, müvafiq qeydlərin aparıldığı dəftər və bloknotlar, “qara mühasibatlıq” sənədləri götürülmüşdür.
Qanunsuz oyunların təşkilatçılarının dəqiqləşdirilməsi, əldə edilmiş gəlirin və vergidən yayınma hallarının müəyyən edilməsi məqsədi ilə götürülmüş sənədlər və maddi sübutlar nazirliyin müvafiq qurumları tərəfindən aparılan yoxlamaya təqdim edilmişdir.
Fakt üzrə araşdırmalar davam edir.
Bölmənin digər xəbərləri
