QANUNVERİCİLİK AKTLARINDA DƏYİŞİKLİKLƏR EDİLMİŞDİR
AZƏRTAC-ın müxbiri xəbər verir ki, komissiyanın sədri Səttar Səfərov müzakirə edilən məsələnin hansı zərurətdən yarandığını bildirdikdən sonra əlaqədar nazirliklərin nümayəndələri çıxış edərək qanunlara ediləcək dəyişikliklər və bəzi qanunvericilik aktlarının qüvvədən düşməsi ilə bağlı mülahizələrini bildirdilər. Qanun layihəsini Milli Məclisin müzakirəsinə çıxarmaq qərara alındı.
Sonra “Azərbaycan Respublikasının Hökuməti və Niderland Krallığı Hökuməti arasında beynəlxalq avtomobil daşımaları haqqında Saziş”in təsdiq edilməsi barədə” qanunun layihəsi nəzərdən keçirildi. Komissiya üzvlərinin, iclasa dəvət olunmuş maraqlı tərəflərin nümayəndələrinin, deputatların, ekspertlərin rəyləri dinlənildikdən sonra qanun layihəsini Milli Məclisə təqdim etmək barədə qərar qəbul olundu.
İclasda, həmçinin “Azərbaycan Respublikasının bəzi qanunlarında dəyişikliklər edilməsi haqqında” qanunun layihəsi də müzakirə olunaraq müvafiq qərar qəbul edildi.
Sonra komissiyanın 2004-cü il payız sessiyası üçün iş planı təsdiq olundu.
Bölmənin digər xəbərləri
