QARABAĞ ƏLİLİ ÜÇÜN EV TİKİLMİŞDİR
Evin açarları Mayılovlar ailəsinə təntənəli şəraitdə təqdim olunmuşdur. Kənd sakinlərinin, Qarabağ müharibəsi veteranlarının iştirak etdikləri mərasimdə Ağsu Rayon İcra Hakimiyyətinin başçısı Əflatun Rufiyev, Dövlət Sosial Müdafiə Fondunun sədri Səlim Müslümov, əmək və əhalinin sosial müdafiəsi nazirinin müavini Tahir Budaqov çıxış edərək Mayılovlar ailəsini təbrik etmiş, ölkəmizdə Qarabağ müharibəsi əlillərinə və şəhid ailələrinə göstərilən dövlət qayğısından danışmışlar.
Elşən Mayılov göstərilən diqqət və qayğı üçün dərin minnətdarlığını bildirmişdir.
Mərasimdə yeni ev alan ailəyə Dövlət Sosial Müdafiə Fondunun, Əmək və Əhalinin Sosial Müdafiəsi Nazirliyinin və Ağsu Rayon İcra Hakimiyyətinin qiymətli hədiyyələri verilmişdir.
