“Qarabağ” gənc futbolçu Rahil Məmmədovu heyətinə qatıb
Bakı, 2 iyun, AZƏRTAC
Növbəti mövsüm üçün heyətini gücləndirməyə davam edən “Qarabağ” futbol klubu ikinci transferini rəsmiləşdirib. Komanda gənc futbolçu Rahil Məmmədovu heyətinə qatıb.
AZƏRTAC kluba istinadla xəbər verir ki, mərkəz müdafiəçisi ilə üçillik müqavilə imzalanıb.
Peşəkar karyerasına 2014/2015-ci il mövsümündə “Neftçi”də başlayan R.Məmmədov geridə qalan mövsümün qış fasiləsində icarə əsasında “Səbail”ə keçib.
Futbolçu “Neftçi” forması ilə 43, “Səbail”in heyətində isə 13 dəfə meydanda olub. Müxtəlif yaş qrupları üzrə milli komandalarda çıxış etmiş R.Məmmədov cari ildən etibarən 2 dəfə əsas milliyə dəvət alıb.
Bölmənin digər xəbərləri
