“Qarabağ” klubunun futbolçuları Fransada
Bakı, 21 oktyabr, AZƏRTAC
UEFA Avropa Liqasının qrup mərhələsinin üçüncü turunda “Monako” komandası ilə qarşılaşacaq Ağdamın “Qarabağ” klubunun futbolçuları artıq Fransadadırlar.
Klubdan AZƏRTAC-a bildiriblər ki, beş saatlıq uçuşdan sonra Monakoya çatan futbolçularımız oradan Nitsaya yollanıblar.
Oktyabrın 22-də “Qarabağ” oyunun keçiriləcəyi stadionda sonuncu məşqinə çıxacaq.
“Monako” - “Qarabağ” matçı oktyabrın 22-də saat 22:00-da “Lui II” stadionunda start götürəcək. Matçın baş hakimi Yakob Kelet olacaq. Ona Henrik Larsen və Heyne Sorensen yardım edəcəklər. Dördüncü hakim funksiyasını isə Lars Hummelqaard yerinə yetirəcək.
Bölmənin digər xəbərləri
