Qaxda karantin qaydalarını pozan oyun zalı aşkar edilib
Qax, 6 yanvar, AZƏRTAC
Qax rayonu ərazisində xüsusi karantin rejimi qaydalarına zidd olaraq, gizli fəaliyyət göstərən kompüter oyunları zalı aşkarlanıb.
Daxili İşlər Nazirliyinin mətbuat xidmətinin Şəki regional qrupundan AZƏRTAC-ın bölgə müxbirinə verilən məlumata görə, polis əməkdaşlarının keçirdikləri tədbir zamanı Marsan kəndi ərazisində Sakit Osmanova məxsus obyektə baxış keçirilib. Obyektin sahibi və müştərilərin xüsusi karantin rejimi qaydalarını pozduqları müəyyən edilib. Həmin şəxslər polis şöbəsinə dəvət olunub. Onların barələrində İnzibati Xətalar Məcəlləsinin müvafiq maddəsi ilə protokol tərtib edilib və onlar cərimələniblər.
Bölmənin digər xəbərləri
