Qaxda piyadanın vurulması ilə nəticələnən avtomobil qəzası baş verib
Qax, 18 dekabr, Rasim İslamoğlu, AZƏRTAC
Qax rayonunun Qaxbaş kəndi ərazisində 1 nəfərin yaralanması ilə nəticələnən yol-nəqliyyat hadisəsi qeydə alınıb.
AZƏRTAC-ın bölgə müxbirinin məlumatına görə, Qax-İlisu avtomobil yolunun rayonun Qaxbaş kəndindən keçən hissəsində sürücü Həlimə Bayramlı idarə etdiyi “Nissan” markalı avtomobillə 43 yaşlı Maya Otaraşvilini vurub.
Qaxbaş kəndinin sakini olan piyadaya yerində ilkin tibbi yardım göstərildikdən sonra o, Qax Rayon Mərkəzi Xəstəxanasına çatdırılıb. Müxtəlif dərəcəli bədən xəsarətləri alan qadının müalicəsi davam etdirilir.
Faktla bağlı araşdırma aparılır.
Bölmənin digər xəbərləri
