Qazaxda müvəqqəti saxlama yerində olan şəxsə narkotik keçirmək istəyən qadın tutulub VİDEO
Qazax, 28 avqust, Elcan Məmmədov, AZƏRTAC
Qazax Rayon Məhkəməsinin qərarı ilə saxlanılaraq Qazax Rayon Polis Şöbəsinin müvəqqəti saxlama yerinə təhvil verilən şəxsə narkotik vasitə keçirməkdə şübhəli bilinən şəxs saxlanılıb.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-ın bölgə müxbirinə verilən məlumata görə, Qazax rayon sakini olan 35 yaşlı Maral Osmanova müvəqqəti saxlama yerində saxlanılan tanışı Elvin Mansurova geyim və digər gigiyenik əşyalar gətirib. Əşyalar polis əməkdaşları tərəfindən yoxlanılan zaman nəm salfet qutusunun içərisindən 1 ədəd bükümdə, narkotik maddə olan "heroin" aşkar edilərək götürülüb. Götürülən maddi sübut müvafiq ekspertizaya təqdim olunub, faktla bağlı araşdırmalar davam etdirilir.
Bölmənin digər xəbərləri
