Qazaxıstanda 20 Yanvar faciəsinin ildönümü ilə əlaqədar bir sıra tədbirlər keçiriləcəkdir
Astana 13 yanvar (AZƏRTAC). Qazaxıstanın Astana və Almatı şəhərlərində, həmçinin vilayətlərdəki Azərbaycan mədəniyyət mərkəzlərində 20 yanvar faciəsinin 23-cü ildönümü ilə əlaqədar tədbirlər keçiriləcəkdir.
Azərbaycanın Qazaxıstandakı səfirliyində baş tutacaq mərasimdə səfir Zakir Həşimov çıxış edəcək, faciə haqqında sənədli film nümayiş olunacaq, qətliam ilə bağlı sərgi təşkil ediləcəkdir.
Yanvarın 19-u və 20-də Qazaxıstanın dövlət radiosunda da 20 Yanvar faciəsi ilə əlaqədar xüsusi veriliş efirə gedəcəkdir.
Almatıdakı Qazaxıstan Azərbaycanlıları Assosiasiyası İctimai Birliyi də faciənin ildönümü ilə bağlı mərasim keçirəcəkdir.
Almatıda çap olunan “Vətən” qəzetində də 20 Yanvarla əlaqədar geniş materialın dərci nəzərdə tutulmuşdur.
Qulu Kəngərli
AZƏRTAC-ın xüsusi müxbiri
Astana
Bölmənin digər xəbərləri
