Qazaxıstanda COVID-19-a 439 yeni yoluxma faktı qeydə alınıb
Nur-Sultan, 15 avqust, AZƏRTAC
Ötən gün Qazaxıstanda koronavirus infeksiyasına 439 yeni yoluxma faktı qeydə alınıb. COVID-19 infeksiyasından 2083 nəfər sağalıb, 21 nəfər həyatını itirib.
AZƏRTAC xəbər verir ki, COVID-19 pandemiyası dövründə ölkədə 102 min 287 hadisə təsdiqlənib.
Ümumilikdə ölkədə 80 min 716 nəfər koronavirusdan tam sağalıb, 1377 nəfər həyatını itirib.
Hazırda koronavirus infeksiyasından 20 min 194 nəfər müalicə alır, onlardan 109 nəfəri uşaqdır.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
