Qazaxıstanda mədən faciəsi: oktyabrın 29-u milli matəm günü elan edilib
Bakı, 28 oktyabr, AZƏRTAC
Qazaxıstan Prezidenti Kasım-Jomart Tokayev oktyabrın 29-nu Karağandı vilayətindəki mədəndə baş vermiş faciə qurbanlarının xatirəsinə milli matəm günü elan edib.
AZƏRTAC xəbər verir ki, bu barədə dövlət başçısının mətbuat xidməti məlumat yayıb.
“Kasım-Jomart Tokayev faciə nəticəsində həlak olan şaxtaçıların ailələri və yaxınları ilə görüşüb, başsağlığı verib. Prezident qeyd edib ki, qəzanın səbəbi aydınlaşdırılacaq və mədənçilərin xilas edilməsinə, eləcə də yaralananların və həlak olanların ailələrinə lazımi kömək göstəriləcək. Dövlət başçısı bildirib ki, oktyabrın 29-u ümumxalq matəm günü elan ediləcək”, - məlumatda belə deyilir.
Qəza zamanı mədəndə 252 nəfər olub. Onların 208 nəfəri şaxtadan çıxarılıb. Fövqəladə Hallar Departamentinin son məlumatına görə, hazırda 22 nəfərin cəsədi tapılıb, qalanların axtarışları davam edir.
Bölmənin digər xəbərləri
