Qazaxıstanda mədəndə çökmə nəticəsində həlak olan yeddi mədənçinin cəsədi tapılıb
Astana, 18 fevral, AZƏRTAC
Qazaxıstanın Ulıtau vilayətində çökmə baş verən mədəndə aparılan axtarış-xilasetmə işləri zamanı həlak olanların cəsədləri aşkar edilib.
AZƏRTAC Qazaxıstan FHN-in mətbuat xidmətinə istinadən xəbər verir ki, cəsədlər yerin altından çıxarılaraq məhkəmə-tibbi ekspertizanın aparılması üçün polis əməkdaşlarına təhvil verilib.
Fevralın 17-də Jomart mədənində süxur çökməsi baş verib, nəticədə yeddi mədənçi dağıntılar altında qalıb.
Hadisənin səbəblərini araşdırmaq üçün xüsusi komissiyası yaradılıb, onun rəhbəri baş nazirin müavini Kanat Bozumbayev təyin edilib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
