“Qəbələ” klubu baş məşqçi Roman Qriqorçukla yollarını ayırıb
Bakı, 29 may, AZƏRTAC
“Qəbələ” futbol klubu baş məşqçi Roman Qriqorçukla yollarını ayırıb.
AZƏRTAC xəbər verir ki, bu qərar Azərbaycan kubokunun final matçının ardından ukraynalı mütəxəssis və klub rəhbərliyi arasında keçirilən görüş zamanı qəbul olunub. Görüş zamanı “Qəbələ” ilə Qriqorçuk arasında müqavilənin uzadılmaması qərara alınıb.
2015-ci ilin əvvəlindən “Qəbələ”nin baş məşqçisi olan Qriqorçuk bu postda 3,5 mövsüm çalışıb. “Qırmızı-qaralar”la Premyer Liqada 2 dəfə gümüş, 2 dəfə bürünc mükafat qazanan ukraynalı 2 dəfə kubokun finalınadək irəliləyib. Qriqorçukun rəhbərliyi altında 3 dəfə UEFA Avropa Liqasında çıxış edən “Qəbələ” 2015/2016-cı və 2016/2017-ci il mövsümlərində turnirin qrup mərhələsinə qədər yüksəlib.
Bölmənin digər xəbərləri
