Qəbələdə avtomobillə vurulan iki piyadadan biri ölüb
Qəbələ, 13 oktyabr, AZƏRTAC
Qəbələdə iki gün əvvəl avtomobillə vurulan piyadalardan biri xəstəxanada ölüb.
AZƏRTAC-ın bölgə müxbiri Qəbələ Rayon Mərkəzi Xəstəxanasına istinadən bildirir ki, hadisə zamanı xəsarət alan 29 yaşlı Günay Vahabzadə və 62 yaşlı Yaqut Bəkirova Xəstəxananın təcili tibbi yardım şöbəsinə yerləşdiriliblər. Həkimlərin bütün səylərinə baxmayaraq, 62 yaşlı Yaqut Bəkirova ötən gün xəstəxanada vəfat edib. Başvermiş hadisə ilə bağlı araşdırmalar davam edir.
Bölmənin digər xəbərləri
