“Qəbələ”nin futbolçusu Rövlan Muradov Azərbaycan Premyer Liqasında 100-cü oyununa çıxıb
Bakı 26 may, AZƏRTAC
“Qəbələ”nin futbolçusu Rövlan Muradov Azərbaycan Premyer Liqasında 100-cü oyununu keçirib. İyirmi beş yaşlı yarımmüdafiəçinin yubileyi XXXV turun “Şamaxı” ilə matçına təsadüf edib.
AZƏRTAC xəbər verir ki, meydana start heyətində çıxan futbolçu ölkə çempionatında 100-cü dəfə şans qazanıb. Premyer Liqada yalnız “Qəbələ” forması geyinən R.Muradov bu matçlarda 10 qol vurub.
Onun debütü 2018-2019-cu il mövsümünə təsadüf edib. Futbolçu Premyer Liqada “qırmızı-qara” forma ilə 100 və daha çox matç keçirən səkkizinci oyunçudur.
Xatırladaq ki, “Şamaxı” - “Qəbələ” qarşılaşması 0:0 hesabı ilə başa çatıb.
Bölmənin digər xəbərləri
