QƏTƏR OLİMPİYA OYUNLARINI KEÇİRMƏK İSTƏYİR
AZƏRTAC xarici KİV-lərə istinadla xəbər verir ki, Qətər 2016-cı il yay Olimpiya oyunlarını keçirmək hüququ uğrunda mübarizəyə başlamaq və 2007-ci ilin əvvəllərində BOK-a müvafiq ərizə vermək niyyətindədir. Bunu Qətər Olimpiya Komitəsinin Baş katibi Səud ben Əbdülrəhman Əl Tani dekabrın 1-14-də Qətərin paytaxtı Dohada keçiriləcək Asiya Olimpiya oyunlarına həsr olunmuş mətbuat konfransında bildirmişdir. O demişdir ki, son illər dünya Olimpiya oyunlarının yalnız ən çox inkişaf etmiş ölkələrdə keçirilməsindən bezikməyə başlamışdır.
Qətər Olimpiya Komitəsinin başçısı demişdir: “Beynəlxalq birlik inanmırdı ki, cəmi 200 min əhalisi olan Qətər Asiya Olimpiya oyunlarını təşkil edə bilər. Lakin biz bunun əksini sübut etdik. Əminik ki, Olimpiya oyunları kimi layihənin təşkili məsələsində söhbət ölkənin miqyasından deyil, onun real imkanlarından getməlidir”.
Bölmənin digər xəbərləri
