Qətər “Patriot” raketlərinin çatışmazlığı ilə bağlı xəbəri təkzib edib
Bakı, 3 mart, AZƏRTAC
Qətərin “Patriot” arsenalı tükənməyib və Doha ölkənin səmasını müdafiə etmək üçün kifayət qədər raketlə təchiz olunub.
AZƏRTAC xəbər verir ki, Qətərin Beynəlxalq İnformasiya Bürosu bunu “Bloomberg” agentliyinin məlumatını təkzib edərkən deyib. “Bloomberg” agentliyinin dərc etdiyi xəbərlərin əksinə olaraq, Qətərin “Patriot” raket arsenalı tükənməyib. Rəsmi mənbələrdən təsdiq almadan bu cür məlumatların dərc edilməsi məsuliyyətsizlikdir”, - deyə qurumdan bildirilib.
Qeyd edək ki, “Bloomberg” bundan öncə Birləşmiş Ərəb Əmirliklərinin müttəfiqlərindən ortamənzilli hava hücumundan müdafiə sistemləri ilə bağlı kömək istədiyini, Qətərin isə “Patriot” raketlərinin hazırkı istifadə sürəti ilə dörd günə tükənəcəyini iddia etmişdi.
Bölmənin digər xəbərləri
