Qətərlə Malayziya arasında maye qazın nəqli ilə bağlı müqavilə imzalanıb
Qahirə, 6 fevral, AZƏRTAC
“Qatar Energy” şirkəti Malayziyanın dövlətə məxsus “Petronas” şirkəti ilə ildə 2 milyon ton mayeləşdirilmiş təbii qazın tədarükünü nəzərdə tutan müqavilə imzalayıb.
AZƏRTAC yerli mediaya istinadla xəbər verir ki, müqavilə 2028-ci ildən etibarən 20 illik müddətini əhatə edir.
Qətər ABŞ-dan sonra dünyada mayeləşdirilmiş təbii qazın ikinci ən böyük ixracatçısıdır. Belə ki, Qətər ötən il 81,07 milyon ton qaz ixrac edib.
“Petronas” Qrupunun prezidenti və Baş icraçı direktoru Tengku Məhəmməd Taufiq Qətər Xəbər Agentliyinə bildirib ki, yeni tərəfdaşlıq Asiya–Sakit okean regionunda artan tələbatın ödənilməsini hədəfləyir və xüsusilə hələ də tədarük çatışmazlığı ilə üzləşən Cənub Şərqi Asiya ölkələrini əhatə edir.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
