Qırğızıstan mətbuatı Joqorku Keneşin sədrinin Azərbaycana səfərindən bəhs edir
Bişkek, 18 iyun (AZƏRTAC). Qırğız Respublikasında rus dilində çap edilən “Slovo Kırqızıstana” və qırğız dilində çıxan “Kırqız Tuusu” rəsmi qəzetlərində Joqorku Keneşin sədri Asılbek Jeenbekovun Azərbaycana səfəri ilə bağlı məqalələr dərc olunmuşdur.
Məqalələrdə bildirilir ki, Türkdilli Ölkələrin Parlament Assambleyasının (TürkPA) Bakıda keçirilən V iclasında A.Jeenbekovun rəhbərliyi ilə Qırğız Respublikası parlamentinin nümayəndə heyəti də iştirak etmişdir.
Diqqətə çatdırılır ki, TürkPA-nın iclası çərçivəsində Azərbaycan Prezidenti İlham Əliyev Qırğızıstan nümayəndə heyətini qəbul etmişdir.
Yazılarda, həmçinin Asılbek Jeenbekovun Azərbaycan Milli Məclisinin sədri Oqtay Əsədovla görüşü və TürkPA-nın Bakıda keçirilən iclası barədə də məlumat verilir.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
