Qırğızıstanda COVID-19-a daha 179 nəfər yoluxub
Bişkek, 19 avqust, AZƏRTAC
Son 24 saat ərzində Qırğızıstanda COVID-19 koronavirusuna 179 nəfər yoluxub və belə xəstələrin sayı 42 min 325 nəfərə çatıb.
AZƏRTAC Qırğızıstan Səhiyyə Nazirliyinin mətbuat xidmətinə istinadla xəbər verir ki, son sutkada virusdan 1 xəstə ölüb və bu səbəbdən vəfat edənlərin sayı yeni statistikaya görə 1057 nəfərdir.
Son gündə 7, pandemiya dövründə isə 3 min 45 tibb işçisi virusa yoluxub.
Bildirilib ki, ötən gecə Moskvadan Oş şəhərinə 245, Yekaterinburqdan Bişkekə 166 Qırğızıstan vətəndaşı gətirilib.
Qeyd olunub ki, Ümumdünya Səhiyyə Təşkilatının Qırğızıstan Səhiyyə Nazirliyinə göndərdiyi 100 oksigen konsentratı Qırğızıstan tərəfinə təhvil verilib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
