Qlobal istiləşmə 2060-cı illərdən etibarən Yaponiyada yay məktəbi idmanını dayandıra bilər
Bakı, 29 aprel, AZƏRTAC
Tədqiqat qrupunun proqnozlarına görə, qlobal istiləşmə ilə mübarizə üçün ciddi səylər olmazsa, 2060-cı illərdə tələbələr Yaponiyanın əksər bölgələrində yayda məktəbdənkənar açıq idmanla məşğul ola bilməyəcəklər.
AZƏRTAC xəbər verir ki, bu barədə Yaponiyanın “Kyodo news” agentliyi məlumat yayıb. Bildirilib ki, komandanın proqnozlarına görə, iyul və avqust aylarında Hokkaydo adasının şimal hissəsindən başqa ərazilərdə saat 15:00-18:00 arasında bütün və ya intensiv açıq hava idman fəaliyyətindən bir müddət çəkinmək lazımdır.
Milli Ətraf Mühitin Tədqiqatları İnstitutunun və Tokiodakı Vaseda Universitetinin komandası 12 il ərzində Yaponiyanın 842 şəhərində külək və günəş radiasiyası kimi amilləri nəzərə alan temperatur və rütubət, eləcə də istilik stresi ölçüsü daxil olmaqla hava məlumatlarına əsaslanan proyeksiya modeli yaradıb.
Məlumatda qeyd edilib ki,Yaponiyada dərsdənkənar fəaliyyətlər adətən günortadan sonra keçirilir. Mütəxəssislərin fikrincə, planetin istiləşməsi davam edərsə, bu, məktəb idmanlarına daha çox təsir göstərə bilər, belə olan halda zaman və məkan dəyişiklikləri olmalıdır.
Bölmənin digər xəbərləri
