QROSSMEYSTER AZƏR MİRZƏYEV BEYNƏLXALQ TURNİRDƏ NÖVBƏTİ QƏLƏBƏSİNİ QAZANMIŞDIR
AZƏRTAC xəbər verir ki, İspaniyanın Saraqosa şəhərində keçirilən beynəlxalq şahmat turnirində 6 tura yekun vurulmuşdur.
Yarışda iştirak edən azərbaycanlı beynəlxalq qrossmeyster Azər Mirzəyev bu tur çərçivəsində daha bir qələbə qazanmışdır. Həmyerlimiz nəticədə 4,5 xal toplayaraq turnir cədvəlinin 10-cu pilləsində qərarlaşmışdır.
Yarış cədvəlinə isə 6 xalla Fransa şahmatçısı Romen Eduard başçılıq edir.
İsveçrə sistemi ilə keçirilən turnirə dekabrın 28-də yekun vurulacaqdır.
Bölmənin digər xəbərləri
