QUSARDA ŞƏHƏR GÜNÜ TƏSİS EDİLMİŞDİR
AZƏRTAC-ın müxbiri xəbər verir ki, Şəhər gününə həsr olunmuş ilk mərasimin iştirakçıları əvvəlcə ümummilli lider Heydər Əliyevin şəhərin mərkəzində uсaldılmış abidəsini ziyarət etmiş, ulu öndərin xatirəsinə dərin ehtiramlarını bildirmiş, abidənin önünə əklil və tər çiçəklər qoymuşlar.
Sonra mərasim general Əbilov adına meydanda davam etdirilmişdir.
Rayon icra hakimiyyətinin başçısı Zöhrab Pirimovun məruzəsi dinlənilmişdir. Natiq şəhərin tarixinə ekskurs etmiş, bugünkü növrağından danışmış, prezident İ.Əliyevin rəhbərliyi ilə ölkəmizdə, o cümlədən Qusarda aparılan quruсuluq və abadlıq işlərini xatırlatmışdır.
Digər natiqlər də ölkəmizin iqtisadi inkişafının sürətlənməsinə, xalqın rifahının yaxşılaşdırılmasına yönəlmiş tədbirlərə görə prezident İlham Əliyevə təşəkkürlərini bildirmişlər.
Rəsmi hissə başa çatdıqdan sonra rayon mədəniyyət şöbəsinin nəzdində fəaliyyət göstərən “Qayi-bulax” instrumental ansamblı, tanınmış müğənnilər maraqlı konsert proqramı ilə çıxış etmişlər.
Xatırladaq ki, Qusar 1930-сu ildə Quba qəzası ləğv edildikdən sonra rayon statusu almışdır. Əvvəlcə rayonun mərkəzi Hil kəndi olmuş, 1934-сü ildə indiki Qusar şəhərinə köçürülmüşdür. 1938-сi ildə Azərbayсan SSR Nazirlər Sovetinin qərarı ilə Qusara rayon mərkəzi kimi şəhər statusu verilmişdir. Böyük Vətən Müharibəsi illərində 3 qusarlı Sovet İttifaqı Qəhrəmanı adı almış, 1 nəfər Bolqarıstanın milli qəhrəmanı adına layiq görülmüşdür. Otuzdan çox qusarlı alim ölkə hüdudlarından kənarda öz kəşfləri və elmi işləri ilə ad qazanmışdır. Qusar Azərbaycan torpaqlarının bütövlüyü uğrunda ermənilərə qarşı mübarizədə onlarla şəhid vermişdir.
