RATİFİKASİYA FƏRMANLARININ MÜBADİLƏSİ HAQQINDA PROTOKOL İMZALANMIŞDIR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, dekabrın 28-də nazirlikdə Azərbaycan Respublikası və Almaniya Federativ Respublikası arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması haqqında saziş üzrə ratifikasiya fərmanlarının mübadiləsi haqqında protokolun imzalanma mərasimi olmuşdur. Protokolu Azərbaycan Respublikası tərəfindən xarici işlər naziri Elmar Məmmədyarov, Almaniya Federativ Respublikası tərəfindən isə bu ölkənin Azərbaycandakı müvəqqəti işlər vəkili Karsten Meyer-Vifhausen imzalamışlar.
Elmar Məmmədyarov iki ölkənin iş adamlarının bu hadisəni səbirsizliklə gözlədiklərini bildirmiş və sənədin ölkələrimiz arasında iqtisadi əlaqələrin daha da inkişafına və keyfiyyətcə yeni səviyyəyə qaldırılmasına xidmət edəcəyini vurğulamışdır.
Bölmənin digər xəbərləri
