REJİSSORUN YENİ FİLMİNDƏ CƏFƏR XƏNDANIN ÖMÜR YOLUNDAN BƏHS OLUNACAQDIR
Tanınmış rejissor, Muğam Teatrının direktoru Arif Qazıyev daha bir sənədli filmin çəkilişinə hazırlaşır. Rejissorun yeni ekran əsərində Azərbaycanın tanınmış ədəbiyyatşünası, tənqidçi, professor Cəfər Xəndanın həyat yolundan bəhs olunacaqdır.
Bir saatlıq filmin ssenari müəllifi jurnalist Rəfiqə Budaqovadır. Film “Azərbaycantelefilm” yaradıcılıq birliyində istehsal olunacaqdır. Rejissorun dediyinə görə, arxiv materiallarından istifadə olunacaq bu lentdə Cəfər Xəndanın övladlarının, həmkarlarının da ədəbiyyatşünas haqqındakı fikirlərinə yer veriləcəkdir.
Çəkilişlər Bakıda aparılacaqdır.
Bölmənin digər xəbərləri
