RESPUBLİKA GÜNÜ KANADADA DA TƏNTƏNƏ İLƏ QEYD EDİLMİŞDİR
Kanadada fəaliyyət göstərən Azərbaycan Mədəniyyət və Təhsil Mərkəzinin təşəbbüsü ilə Kanada Azərbaycanlıları Assosiasiyaları Federasiyasının Toronto şəhərindəki “Sunset” parkında təşkil etdiyi bayram tədbirində Türkiyə, Rusiya, Ukrayna, Gürcüstan, Yaponiya, Koreya, Çin, Braziliya, Maldova və başqa dövlətlərin nümayəndələri ilə yanaşı, minə yaxın yerli sakin iştirak etmişdir.
Azərbaycan Mədəniyyət və Təhsil Mərkəzinin mətbuat xidmətindən verilən məlumatda bildirilir ki, Federasiyanın icraçı direktoru Əkbər Məcidov bayram tədbirini açdıqdan sonra Azərbaycanın Dövlət himni səsləndirilmişdir. Mərasimin bədii hissəsində incəsənət ustalarının ifa etdikləri milli mahnılarımız, rəqslərimiz iştirakçılar tərəfindən hərarətli alqışlarla qarşılanmışdır. Tədbir çərçivəsində kiçik yaşlı soydaşlarımızın Azərbaycanla bağlı çəkdikləri rəsmlər nümayiş etdirilmiş, müsabiqənin qaliblərinə hədiyyələr verilmişdir. Bayram şənliyində Azərbaycanın Kanadadakı səfirliyinin əməkdaşları fəal iştirak etmişlər.
Bölmənin digər xəbərləri
