Respublikanın əksər rayonlarında yağış, dağlıq və dağətəyi rayonlarda isə qar yağır
Bakı, 17 yanvar, AZƏRTAC
Yanvarın 17-də saat 15:00-a olan məlumata əsasən Bakıda və Abşeron yarımadasının bəzi yerlərində şimal-qərb küləyinin maksimal sürəti saniyədə 30, Sumqayıtda küləyin ani, maksimal sürəti 40 metrə çatıb. Dalğanın hündürlüyü açıq dənizdə 7,5 metrdir.
Bu barədə AZƏRTAC-a Ekologiya və Təbii Sərvətlər Nazirliyində yaradılan qərargahdan məlumat verilib.
Məlumata görə, respublikanın əksər rayonlarında yağış, dağlıq və dağətəyi rayonlarda isə qar yağır. Hazırda havanın hərarəti Bakıda və Abşeron yarımadasında 2° isti, dağlıq rayonlarda 1-3° şaxta, dağətəyi rayonlarda 0-3°, Aran rayonlarda 4-6° istiyə bərabərdir.
Bölmənin digər xəbərləri
