RF DÖVLƏT DUMASI HAVA LİMANLARINDA TƏHLÜKƏSİZLİYİN TƏMİN EDİLMƏSİ HAQQINDA QANUNVERİCİLİYƏ DÜZƏLİŞLƏR HAZIRLAYIR
Avqustun 26-da Dövlət Dumasının sədri Boris Qrızlov bunu jurnalistlərə bildirərək demişdir ki, milis əməkdaşları hava limanlarında sərnişinləri mütləq yoxlamadan keçirməlidirlər. Bundan əlavə, Hava Məcəlləsinə müvafiq dəyişikliklər ediləcəkdir.
Xatırladaq ki, Rusiya Prezidenti Vladimir Putin Tula və Rostov vilayətlərində TU-134 və TU-154 sərnişin təyyarələrinin qəzaya uğraması ilə əlaqədar ölkə hökumətinə hava limanlarında təhlükəsizliyin və nəzarətin təmin edilməsi funksiyalarının Rusiya DİN-nə verilməsi məqsədi ilə qanunvericilik aktlarına dəyişikliklər hazırlamağı tapşırmışdır.
B.Qrızlov bildirmişdir ki, bu qanunvericiliyin işlənib hazırlanması üçün dövlət başçısının tapşırığı ilə Rusiya Nəqliyyat Nazirliyinin və DİN-in nümayəndələrindən ibarət işçi qrup yaradılmışdır. Qanunvericiliyə düzəlişlər hazırlanması işinə Dövlət Duması Təhlükəsizlik komitəsinin sədri V.Vasilyev başda olmaqla bu qurum da qoşulacaqdır.
Bölmənin digər xəbərləri
