Rişi Sunak: London Kiyevə dəstəyini dayandırmayacaq
Bakı, 27 oktyabr, AZƏRTAC
Fələstin-İsrail müharibəsinə baxmayaraq, London Kiyevə dəstəyini dayandırmayacaq.
AZƏRTAC Böyük Britaniyanın Baş nazirinin dəftərxanasının yaydığı məlumata istinadla xəbər verir ki, bunu Birləşmiş Krallığın hökumət başçısı Rişi Sunak Ukrayna Prezidenti Volodimir Zelenski ilə telefon danışığı zamanı deyib.
“Baş nazir Rişi Sunak Ukraynanın ərazi bütövlüyü və suverenliyi məsələsində Böyük Britaniyanın uzunvədəli və sarsılmaz öhdəliyini qeyd edib. O, Yaxın Şərqdəki müharibənin bunu dəyişməyəcəyini vurğulayıb”, - deyə Baş nazirin dəftərxanasından bildirilib.
Rişi Sunak və Volodimir Zelenski, həmçinin Ukraynada hərbi əməliyyatların gedişini, kritik infrastrukturun müdafiəsi və taxıl ixracı məsələlərini müzakirə ediblər.
Bölmənin digər xəbərləri
