RUMINİYA DNESTRYANI BÖLGƏYƏ QARŞI SANKSİYALAR TƏTBİQ EDƏ BİLƏR
AZƏRTAC Röyter agentliyinə istinadla xəbər verir ki, Rumıniya Dnestryanı bölgədə məktəblərin bağlanmasına cavab olaraq, ona qarşı sanksiyalar tətbiq edə bilər. Bunu bazar ertəsi Rumıniyanın xarici işlər naziri Mirça Coane bəyan etmişdir.
Nazir demişdir ki, sanksiyalarda Dnestryanı bölgənin rəhbərliyinə vizalar verilməsinin qadağan edilməsi nəzərdə tutula bilər. Bölgənin banklarının Rumıniya banklarındakı hesablarının bağlanmasının mümkünlüyü də istisna deyildir.
M.Coane vurğulamışdır ki, sanksiyaların tətbiqi haqqında qərar yaxın günlərdə qəbul edilə bilər.
Bölmənin digər xəbərləri
