RUSİYA, ALMANİYA VƏ FRANSA LİDERLƏRİ SOÇİDƏ GÖRÜŞMÜŞLƏR
RF XİN-in rəsmi nümayəndəsi A.Yakovenko Prezident Vladimir Putin və Jak Şirakın, kansler Gerhard Şröderin görüşü ilə əlaqədar bildirmişdir ki, son zamanlar Rusiya, Almaniya və Fransa üçtərəfli əməkdaşlığı çərçivəsində “üçlüy”ün yüksək səviyyədə mütəmadi görüşləri kimi qarşılıqlı fəaliyyət forması meydana gəlmişdir. Onun sözlərinə görə, “üçlüyün” formatı müasir dünyanın aktual problemlərinin geniş spektrinə baxışların, ilk növbədə, beynəlxalq terrorizm və narkotəhlükə və mütəşəkkil cinayətkarlıqla mübarizədə yeni təhdid və təhlükələrə müqavimət problemlərinə yanaşmanın xeyli dərəcədə yaxınlığı və üst-üstə düşməsi ilə şərtlənir. Rusiya XİN-in rəsmi nümayəndəsi demişdir: “Ölkələrimizi BMT-nin mərkəzi rol oynaması və beynəlxalq hüquqa istinad şəraitində çoxtərəflilik prinsiplərinə əsaslanan yeni beynəlxalq münasibətlər sistemi yaradılmasına köklənmiş ümumi əhval-ruhiyyə bağlayır”.
A.Yakovenko vurğulamışdır ki, Rusiya, Almaniya və Fransanın Avropa qitəsinin müqəddəratı üçün xeyli dərəcədə məsuliyyət daşıması onlardan ötrü güclü birləşdirici amildir, müvafiq olaraq, üçtərəfli qarşılıqlı fəaliyyətin başlıca istiqaməti Rusiya-Avropa Birliyi, Rusiya-NATO münasibətləri müstəvisidir. “Üçlük” hansısa ölkələrə və ya təşkilatlara qarşı yönəlməmişdir, onun prinsipi yüksək transparentlik, hamı ilə əməkdşlığa hazır olmaqdır.
Bölmənin digər xəbərləri
