RUSİYA AZƏBAYCANLA SƏRHƏDİNDƏ BƏZİ MƏHDUDİYYƏTLƏR TƏTBİQ EDİR
Rusiya tərəfinin bu qərarını RF XİN-in rəsmi nümayəndəsi Aleksandr Yakovenko şərh edərək demişdir: “Rusiya-Azərbaycan sərhədində bəzi məhdudiyyətlər barədə qərar bu yaxınlarda Şimali Qafqazda baş vermiş terror aktları və regionda vəziyyətin mürəkkəbləşməsi ilə əlaqədardır”.
A. Yakovenkonun sözlərinə görə, dövlət sərhədinin buraxılış məntəqələri haqqında 1995-ci il 7 oktyabr tarixli hökumətlərarası sazişin 5-ci maddəsinə uyğun olaraq, həmin qərar barədə Azərbaycan tərəfinə diplomatik kanallarla məlumat verilmişdir.
Rusiya XİN-in rəsmi nümayəndəsi axırda demişdir: “Görülən tədbirlər müvəqqəti xarakter daşıyır. Rusiya-Azərbaycan sərhədindəki buraxılış məntəqələrinin abadlaşdırılması və texniki cəhətdən təchizatı başa çatdıqca, habelə Şimali Qafqazda ümumi vəziyyət normalaşdıqca bu tədbirlər tədricən ləğv ediləcəkdir. Əminik ki, Rusiyanın terrorizmlə mübarizə sahəsində də yüksək səviyyədə əməkdaşlıq etdiyi Azərbaycanda bu qərarı başa düşəcəklər”.
Bölmənin digər xəbərləri
