RUSİYA DEPUTATLARI PİVƏ REKLAMINA MƏHDUDİYYƏT QOYULMASINA SƏS VERMİŞLƏR

31.07.2004 [22:46]
Çap et
A⁺ A^-

AZƏRTAC-ın xüsusi müxbiri xəbər verir ki, RF Dövlət duması iyulun 31-də “Reklam haqqında” Qanuna ölkə televiziyası və radiosunda pivə reklamına xeyli məhdudiyyət qoyulmasını nəzərdə tutan düzəlişləri ikinci oxunuşda böyük səs çoxluğu ilə qəbul etmişdir.

Avqustun 5-də üçüncü oxunuşda qəbul edilməsi nəzərdə tutulan bu sənədə görə, pivənin və onun əsasında hazırlanmış içkilərin reklamında həmin içkilərin insanın həyatda uğurlar qazanması, habelə pivənin zərərsiz, yaxud müsbət müalicəvi əhəmiyyəti olduğu barədə informasiya olmamalıdır.

Yeni düzəlişlərə müvafiq olaraq, pivənin reklamı Moskva vaxtı ilə saat 7-22 arasında efirə verilməməlidir.

Bundan əlavə, həmin içkinin uşaq, təhsil, tibb, sağlamlıq, idman və mədəniyyət təşkilatlarında və bu təşkilatların 100 metrliyindən yaxında satılmasına da qadağa qoyulur.

RUSİYA DEPUTATLARI PİVƏ REKLAMINA MƏHDUDİYYƏT QOYULMASINA SƏS VERMİŞLƏR

MÜƏLLİFLƏ ƏLAQƏ

Bölmənin digər xəbərləri