RUSİYA FEDERASİYA ŞURASI BESLAN FACİƏSİNİN SƏBƏBLƏRİNİ MÜSTƏQİL SURƏTDƏ ARAŞDIRACAQ
O demişdir: “Regionların palatası, partiyaların iştirak etmədiyi palata olan Federasiya Şurası məhz elə ali qanunverici hakimiyyət orqanıdır ki, o, faciənin səbəblərini müstəqil və qərəzsiz surətdə araşdırmalı və bu təhqiqatın nəticələrini bütün Rusiya vətəndaşlarına çatdırmalıdır”.
S.Mironov vurğulamışdır ki, biz təqsirkarları axtarmaq, kimlərisə cəzalandırmaq fikrində deyilik. Biz, belə bir hadisənin necə baş verə bildiyini, bunun bir daha təkrarlanmaması üçün nə etmək lazım olduğunu aydınlaşdırmaq istəyirik.
Federasiya Şurasının sədri Şimali Osetiyada vəziyyətdən danışaraq, onu gərgin vəziyyət kimi səciyyələndirmiş və nəzərə çarpdırmışdır ki, terrorçuların məqsədi bu regionda milli ədavət salmaqdır. O, həmin regionda vəziyyətin normallaşması perspektivləri barədə fikrini söyləyərək bildirmişdir ki, “qafqazlı qardaşların müdrikliyinə” ümid bəsləyir.
Bölmənin digər xəbərləri
