Rusiya Mərkəzi Bankı uçot dərəcəsini artırıb
Moskva, 27 oktyabr, AZƏRTAC
Rusiya Mərkəzi Bankı uçot dərəcəsini iki faiz bəndi artıraraq illik 15 faizə qaldırıb.
AZƏRTAC xəbər verir ki, bu barədə Rusiya Mərkəzi Bankı məlumat yayıb. Bank ölkədə inflyasiyanın qarşısını almaq məqsədilə uçot dərəcəsini bu ilin iyulunda 1 faiz, avqustunda isə 3,5 faiz bəndi artırmışdı.
Bankın qərarından sonra Moskva birjasında ABŞ dollarının məzənnəsi 92,89 rubla, avronun məzənnəsi isə 98,16 rubla enib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
