Rusiya Müdafiə Nazirliyi: Ukraynadan buraxılan 100-dən çox PUA məhv edilib
Moskva, 6 may, AZƏRTAC
Rusiya hava hücumundan müdafiə sistemləri bir gecədə Ukraynanın 105 təyyarə tipli pilotsuz uçuş aparatını (PUA) məhv edib.
AZƏRTAC xəbər verir ki, bu barədə Rusiya Müdafiə Nazirliyinin məlumatında deyilir.
Nazirliyin məlumatına görə, Bryansk vilayəti üzərində 32, Voronejdə 22, Penzada 10, Kaluqada 9, Belqorodda 6, Lipetsk və Samarada 2, Vladimir, Kursk və Rostovda 1 ədəd PUA vurulub.
Moskva meri Sergey Sobyanin 19 PUA-nın paytaxta hücum etdiyini bildirib. Pilotsuz aparatlardan birinin qalıqları Kaşirskoye şosesinə düşüb. O qeyd edib ki, ilkin məlumata görə, ciddi dağıntı və tələfat yoxdur.
Hücum nəticəsində Moskva hava limanlarında və digər şəhərlərdəki aeroportlarda uçuşlar müvəqqəti olaraq dayandırılıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
