RUSİYA XİN-İ RƏSMİ LONDONDAN “SİYASİ MÜHACİRLƏR”İN FİTNƏKAR FƏALİYYƏTİNƏ ADEKVAT MÜNASİBƏT GÖZLƏYİR
AZƏRTAC-ın xüsusi müxbiri RF XİN-ə istinadla xəbər verir ki, sentyabrın 16-da Böyük Britaniyanın Rusiyadakı müvəqqəti işlər vəkili S. Uordsvort XİN-ə çağırılmış, Beslan faciəsi ilə əlaqədar Ə.Zakayev, B.Berezovski kimi üzdəniraq “yeni siyasi mühacirlər”in Londonda fəallaşması onun nəzərinə çatdırılmışdır.
Qeyd olunmuşdur ki, onların böhtan dolu çıxışları mətbuatda, o cümlədən Bi-Bi-Si dövlət radiostansiyasında getdikcə daha çox işıqlandırılsa da, adekvat rəsmi reaksiya ilə rastlaşmır. Bildirilmşdir ki, bu “qaçqınlar”a sığınacaq vermiş Britaniya hakimiyyət orqanları onların sözlərinə və hərəkətlərinə görə tam məsuliyyət daşıyırlar.
“Rusiya tərəfi ümidvardır ki, London yaranmış vəziyyətdən nəticə çıxaracaq və onların fitnəkar fəaliyyətinin qarşısını almaq üçün adekvat tədbirlər görəcəkdir”.
Bölmənin digər xəbərləri
