Rusiyada koronavirusa gündəlik yoluxma sayı ilk dəfə 27 min nəfəri ötüb
Moskva, 27 noyabr, AZƏRTAC
Rusiyada ötən gün 27 543 koronavirus xəstəsi aşkar edilib.
AZƏRTAC xəbər verir ki, ölkədə koronavirus xəstələrinin ümumi sayı 2 215 533 nəfərə çatıb.
Bir gündə 26 682 nəfər sağalıb, 496 nəfər həyatını itirib. Ümumilikdə, Rusiyada indiyədək koronavirusdan 1 712 174 xəstə sağalıb, 38 558 nəfər ölüb. Hazırda 464 801 nəfər bu xəstəlikdən müalicə olunur.
Moskvada COVID-19 xəstələrinin sayı bir gündə 7918 nəfər artıb.
COVID-19 xəstələrinin sayına görə Rusiya dünyada ABŞ, Hindistan, Braziliya və Fransadan sonra beşinci yerdədir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
