Rusiyanın Yaroslavl şəhərində partlayış baş verən binada ölənlərin sayı üç nəfərə çatıb
Bakı, 22 avqust, AZƏRTAC
Yaroslavl şəhərində partlayış baş verdiyi yaşayış binasının qalıqları altından xilasedicilər bir qadın və bir uşaq cəsədini tapıblar.
AZƏRTAC TASS informasiya agentliyinə istinadla xəbər verir ki, bu barədə vilayət hökumətinin mətbuat xidməti məlumat yayıb.
Rusiya Fövqəladə Hallar Nazirliyinin regional xidməti daha əvvəl bir nəfərin həlak olması barədə məlumat yaymışdı.
Partlayışın baş verdiyi binada 115 nəfər qeydiyyatdadır. İlkin məlumata görə, Yaroslavl şəhərinin Batov küçəsi 5 ünvanında yerləşən binada partlayışa səbəb qaz sızması olub.
Bölmənin digər xəbərləri
