Saatlıda Milli Qurtuluş Gününə həsr olunmuş konfrans keçirilmişdir
Saatlı, 12 iyun (AZƏRTAC, Mahir Babayev). İyunun 12-də Saatlı şəhərindəki Heydər Əliyev Mərkəzində Milli Qurtuluş Gününə həsr olunmuş konfrans keçirilmişdir.
AZƏRTAC xəbər verir ki, tədbir iştirakçıları əvvəlcə Ulu Öndərin abidəsi önünə gül dəstələri qoymuş, xatirəsini ehtiramla yad etmişlər.
Konfransda “Ulu öndər xalqımızın xilaskarıdır” mövzusunda məruzə dinlənilmişdir.
Bildirilmişdir ki, Ümummilli Liderin yenidən hakimiyyətə gəlişi ilə iqtisadiyyatın bütün sahələri canlanmış, ölkəmizdə ictimai-siyasi sabitlik bərpa olunmuş, həyat öz axarına düşmüşdür. Qanunsuz silahlı birləşmələr ləğv olunmuş, insanların qorxu hissi aradan qaldırılmışdır.
Diqqətə çatdırılmışdır ki, Ulu Öndərin əsasını qoyduğu məqsədyönlü siyasət hazırda Azərbaycan Prezidenti İlham Əliyev tərəfindən uğurla davam etdirilir.
Vurğulanmışdır ki, ölkəmiz son illərdə inanılmaz dərəcədə inkişaf etmiş, təhsil, səhiyyə, mədəniyyət ocaqları yenidən qurulmuş, yollar abadlaşmış, kəndlərin sosial problemləri aradan qaldırılmışdır.
Tədbirin sonunda Ulu Öndərin həyat və fəaliyyətindən bəhs edən film nümayiş etdirilmişdir
Bölmənin digər xəbərləri
