SABİRABADDA DÜNYA BANKININ YARDIMI İLƏ MELİORATİV LAYİHƏLƏR HƏYATA KEÇİRİLİR
Sabirabad, 5 mart (AZƏRTAC). Dünya Bankının (DB) maliyyə yardımı ilə Sabirabad rayonunda meliorasiya layihələri həyata keçirilir.
Rayonun Cavad, Quruzma və Nizami kəndlərinin suvarma-dren şəbəkələri bərpa olunur. Bu sahədə az müddətdə 1 milyon manatlıq iş görülmüşdür. Beynəlxalq maliyyə qurumu bu yaşayış məntəqələrində meliorasiya tədbirlərinin reallaşdırılmasına daha 2 milyon manat vəsait xərcləməyi nəzərdə tutur. Ümumiyyətlə, həmin layihələrin tam həcmdə həyata keçirilməsi 4 min hektardan çox sahənin suvarılmasına, torpaqların münbitliyinin qorunmasına imkan yaradacaqdır.
Keçən il DB-nin dəstəyi ilə rayonun Qaratəpə kəndində dəyəri 857 min manat olan müvafiq layihə reallaşdırılmışdır.
Bölmənin digər xəbərləri
