Sabirabadda ötən il 18 min tondan çox ət tədarük edilib
Sabirabad, 13 yanvar, Mahir Babayev, AZƏRTAC
Sabirabadda aqrar sahənin digər bölmələri ilə yanaşı, heyvandarlığın inkişafına xüsusi diqqət yetirilir. Rayonda bu sahənin inkişafını sürətləndirmək, heyvandarlıq məhsulları istehsalını daha da artırmaq məqsədilə yeni-yeni heyvandarlıq və quşçulçuq təsərrüfatları yaradılır, mal-qaranın cins tərkibinin yaxşılaşdırılmasına diqqət yetirilir. Həyata keçirilən tədbirlər nəticəsində rayonda heyvanların baş sayı, ət, süd, yumurta və yun istehsalı ilbəil artır, mal-qaranın cins tərkibi yaxşılaşır.
Rayon statistika idarəsindən AZƏRTAC-ın bölgə müxbirinə bildirib ki, hazırda rayonun heyvandarlıq və fərdi təsərrüfatlarında 122 min 828 baş mal-qara və 232 min 688 baş qoyun-keçi bəslənilir.
Ötən il rayonda mövcud olan heyvandarlıq təsərrüfatlarında 18 min 447.5 ton ət (diri çəkidə), 118 min 771.2 ton süd, 108 milyon 166 min ədəd yumurta və 596.8 ton yun istehsal olunub ki, bu da 2019 - cu ildə istehsal olunan ətdən 129.1 ton, yumurtadan 36 milyon 371 min ədəd min, yundan isə 7.9 ton çoxdur.
Bölmənin digər xəbərləri
