Sakin: Ulu Öndərin uzaqgörənliyi və müdrikliyi sayəsində müasir Azərbaycanın müstəqilliyi möhkəmləndi
Bakı, 12 dekabr, AZƏRTAC
Ulu Öndər hakimiyyətə gəldiyi vaxt Azərbaycan dövlətçiliyini itirmək təhlükəsi ilə üz-üzə idi. O, şəxsi səyləri və gərgin əməyi sayəsində Azərbaycanın digər xalqlar içərisində həm səsinin, həm yerinin olduğunu sübut etdi. Ulu Öndər Heydər Əliyev Azərbaycan xalqını məhv olmaqdan xilas etdi, ona görə də biz ona borcluyuq.
Bu sözləri AZƏRTAC-a müsahibəsində Ulu Öndərin xatirəsinə ehtiramını bildirmək üçün dekabrın 12-də Fəxri xiyabana gələn Bakı Dövlət Universitetinin müəllimi Ramiz Tahirov deyib.
O bildirib ki, müasir dövlətçiliyimizin banisi, Ümummilli Lider Heydər Əliyevin xatirəsi Azərbaycan xalqı tərəfindən böyük ehtiramla yad edilir. Ulu Öndər Heydər Əliyevin uzaqgörən siyasəti, qətiyyəti və müdrikliyi sayəsində müasir Azərbaycanın dövlət müstəqilliyi möhkəmləndi.
Bölmənin digər xəbərləri
