Şalva Papuaşvili: Beynəlxalq təhlükəsizlik sistemi yoxdur
Tbilisi, 7 yanvar, AZƏRTAC
Son günlər dünyada baş verənlər göstərir ki, beynəlxalq təhlükəsizlik sistemi yoxdur. Bizim üçün əsas qalxanlardan biri olan beynəlxalq hüquq təəssüf ki, daim tənəzzülə uğrayır və görürük ki, məsələ qanunun aliliyi deyil, güc aliliyidir.
AZƏRTAC xəbər verir ki, bu sözləri Gürcüstan Parlamentinin sədri Şalva Papuaşvili son günlər dünyada baş verən hadisələri şərh edərkən söyləyib.
Onun sözlərinə görə, beynəlxalq hüquq artıq işləmir.
“Avropa İttifaqı qlobal güc kimi artıq mövcud deyil və belə bir siyasətlə heç vaxt qlobal gücə çevrilməyəcək. Müşahidə etməli olduğumuz, düşünməli olduğumuz şey budur və xarici ölkələrin bayraqlarını dalğalandırmaq əvəzinə, ölkəmizin bayrağını qaldırmalıyıq”, – deyə Şalva Papuaşvili bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
