Salyanın torpaq mülkiyyətçiləri mövsümün əvvəlindən indiyədək zəmilərdən 38 min ton məhsul yığmışlar.

Rayon icra hakimiyyətindən AZƏRTAC-ın müxbirinə bildirmişlər ki, indiyədək burada 15 min hektara yaxın sahənin məhsulu biçilib döyülmüşdür. Hər gün zəmilərə 60-a yaxın kombayn çıxarılır. Bunların 10-u kredit hesabına alınmış yeni texnikadır. Sahibkarlar tezliklə daha 2 min hektar zəminin taxılını toplamaqla biçini yekunlaşdıracaqlar.