Samuxda Milli Qurtuluş Gününə həsr edilmiş elmi-praktik konfrans keçirilmişdir
Samux, 14 iyun (AZƏRTAC, Sabir Əliyev). Samux şəhərində 15 İyun-Milli Qurtuluş Gününə həsr edilmiş elmi-praktik konfrans keçirilmişdir.
AZƏRTAC xəbər verir ki, konfransda mövzu ilə bağlı məruzələr dinlənilmişdir. Qeyd edilmişdir ki, xalqın təkidli tələbi ilə ikinci dəfə siyasi hakimiyyətə gələn ulu öndər Heydər Əliyev ölkənin daxili və xarici siyasi kursunda köklü dəyişikliklərə nail olmuşdur. Sevindirici haldır ki, bu uğurlar Ümummilli Liderin özündən sonra da onun layiqli siyasi varisi Prezident İlham Əliyev tərəfindən ləyaqətlə davam etdirilir. Məhz bunun nəticəsidir ki, artıq Azərbaycanın müstəqilliyi əbədi, dönməz və daimi xarakter almışdır.
Elmi-praktik konfransın sonunda 1993-cü il hadisələrindən bəhs edən film nümayiş etdirilmişdir.
Bölmənin digər xəbərləri
