“Səbail”dən ayrılan Domantias Şimkusun yeni klubu müəyyənləşib
Bakı, 23 avqust, AZƏRTAC
Bakının “Səbail” klubundan ayrılan futbolçu Domantias Şimkusun yeni komandası müəyyənləşib.
AZƏRTAC xəbər verir ki, 26 yaşlı yarımmüdafiəçi karyerasını Sloveniyanın “Mura” komandasında davam etdirəcək. Bu barədə klubun mətbuat xidməti məlumat yayıb. Litva millisinin üzvü ilə birillik müqavilə imzalanıb.
Qeyd edək ki, D.Şimkus 2021/2022-ci il mövsümündə “Səbail”də oynayıb. O, yeni müqavilə təklifi almadığı üçün mayda paytaxt təmsilçisindən ayrılıb.
Bölmənin digər xəbərləri
