Sebastyan Fettel Belçika Qran-Prisi ərəfəsində “Aston Martin”lə müqavilə imzalayacaq
Bakı, 18 avqust, AZƏRTAC
Mövsümün sonunda “Ferrari”dən ayrılacaq Sebastyan Fettelin yeni komandası müəyyənləşib. İtalyanların müqavilə müddətini yeniləmədiyi almaniyalı pilotun yaxın günlərdə yeni iş yerinin adı açıqlanacaq.
AZƏRTAC Avstriya mətbuatına istinadla xəbər verir ki, Formula 1 üzrə dördqat dünya çempionu Belçika Qran-Prisi ərəfəsində “Aston Martin”lə müqavilə imzalayacaq. Fettelin hazırkı adı “Reysinq Point” olan komandada kimi əvəzləyəcəyi məlum deyil. Amma mütəxəssislərin fikrincə, komandanın sahibi olan Lourens Strollun oğlu Lens iş yerini dəyişməyəcək. Bu da o deməkdir ki, meksikalı pilot Serxio Peres özünə başqa komanda axtarmalı olacaq.
Meksikalı pilotun sponsorları “Reysinq Point”ə külli miqdarda pul ödəyərək onu komandada saxlamaq fikrindədir. Amma xarici mətbuatın bu iddiasının nə dərəcədə həqiqəti əks etdirdiyini söyləmək çətindir. Amma İtaliyanın nüfuzlu “La Gazzetta Dello Sport” nəşrinin iddiasına görə, Fettel artıq növbəti mövsümdən “Aston Martin” adı ilə mübarizə aparacaq komanda ilə müqavilənin şərtlərini razılaşdırıb. O, yeni komandası ilə uzunmüddətli müqavilə imzalayacaq və ilə 15 milyon avro məvacib alacaq.
Bölmənin digər xəbərləri
